A Close Look To Rizal High School 3

3rd Part

1st Year – Buhay Freshmen

Neptali Building

Papasikat na araw, isang bagong umaga. Parang ganyan ang buhay freshmen, ang simula ng high school. Noon, pwede pang lumabas ng campus. Pero madalang lang kaming lumabas, medyo malayo kasi ang Neptali Building sa Main Gate. Kada taon, mararanasan mong magpalipat-lipat ng building, na araw-araw mong makakasama sa pagpasok sa school.

Sa mga freshmen, ang dalawang naglalakihang puno na napapalibutan ng isang paikot na bench, na mas kilala sa tawag na batibot, ang tatlong magkakahiwalay na canteen, kasama na ang pinakaasensadong canteen sa RHS na dati’y hindi mo malaman kung canteen ba talaga at ang Neptali Building, isang building na may apat na palapag at medyo may kaliitan ang iyong mga makakasama sa araw-araw.

Upper View ng Batibot, kinuha mula sa 3rd floor ng S.C.E.Science Building

Close View ng Batibot

Bago ko malimutan, may ikalawang building pang sakop ang first year. Ang ikalawa ay ang R.J. New Building, na hindi na nating masasabing new dahil matagal na itong ginawa, many decades ago pa nga yata. Teka, bakit R.J. New Building ang tawag pa rito. Ang gulo! Kayo na nga bahala humusga.

R.J. New Building

Minsan lang akong nakapasok sa R.J. New Building, madalas nga hindi ko ito napapansin, kahit na gaano man ito kalaki. Divided kasi palagi ang sections ng Rizal High School sa dalawa, ang SSC (Special Science Class) at ang Regular BEC (Bais Education Curriculum) Class, na kinabibilangan ko. Ang SSC ay binubuo ng limang section sa first year- from section 1 to section 5, apat sa second year- from section 1 to section 4, at tatlo sa third at fourth year- from section 1 to section 3. Ang ibang sections naman, na madalas hanggang section 40+, ay sakop na ng BEC Class.

Ang first floor ng Neptali ay for the SSC ngunit napasama pa ang ilan sa BEC Class doon. Ang iba sa ibang palapag, at ang kalahati naman ng buong BEC, sa RJ. Bilang isang dating I-6 student, sa first floor kami ng Neptali nag-iistay.

Naalala ko tuloy, dati kahit na gaano pa ako kaagang pumasok sa school, as early as 4pm man, hindi pa rin binubuksan ang gate, kailangan pang mag-hintay hanggang 7am.

Nakakatamad na tuloy pumasok ng maaga.

Teka… Anu-ano nga ba ang mga kaibahan ng SSC sa BEC Class?

Ang SSC:

-Lamang sa mga pinag-aaralan dahil mas marami silang asignatura.
-Mas matataas ang marka sa report card ng mga estudyante.
-Karamihan, parehong masisipag at matatalino ang mga estudyante.
-Matagal ang uwian.
-Mas maraming extra-curricular activities.
-Mas maraming projects.
-85, bagsak na kaagad.
-Madalas ipanglaban sa Quizbee. Sila ang bumubuo ng category A.

Ang BEC Class:

-Puro pasarap na sa buhay kapag wala ng projects.
-Ilan sa mga estudyante nito, masipag lang. Ang iba, matalino lang. Ang iba, wala pareho.
-Lahat ng kabaliktaran ng nakasulat sa SSC.

Madalas, sa first year mo unang mararanasan ang pagkakaroon ng barkada. Pero kung ating aanalisahin, ito rin ang pinakanakakabagot sa lahat, maliban na lang siguro sa mga napakagaling na guro nito. Masasabi nating nakakatamad ang first year dahil halos 100 porsyente nito, umuuwi na kaagad kapag bumukas na ang Main Gate. Bihira lang mag-overtime ang freshmen, except for the SSC students siguro. Madalas rin, wala pang kamuwang-muwang sa mga competitions. Madalas talo, masaya kung first place. Hindi nila masyadong pinagtutuunan ng pansin ang book presentations at mga competitions.

RECORDS OF MY EXPERIENCES:

(Please proceed to the next part kung hindi ka maka-connect.)

TEACHERS ENCOUNTERED: Halos lahat…

MATH (Elementary Algebra): Ma’am Mercado (Sayang nasa Japan na siya. You’re the best amongst the bests.)
ENGLISH: Ma’am Marin (Still, the best. Walang kupas.)
SCIENCE (General Science & Astronomy): Ma’am Cerrero (Retired na siya. I hope naintindihan ko sana ang mga lessons niya dati.)
FILIPINO (Ibong Adarna): Ma’am Acena (Nakakatakot rin ito ‘pag nagalit, parang si Ma’am Marin.)
A.P. (Philippine History): Ma’am Herras (Sorry. Wala akong hilig sa A.P.)
T.L.E. (Gardening & Sewing): Ma’am Dela Cruz, Ma’am Manalo (Gardening at Sewing Lessons, okay lang!)
M.A.P.E.H.: Ma’am Pascual, Ma’am Columbres, Ma’am Legazpi (Mahina ako sa M.A.P.E.H.)

MADALAS NA NILALARO:
Pitsa (Tama ba spelling?)
Volleyball (Madalas sa Rainforest)

SCHOOL HOURS:
7am – 3pm

GROUPS:
CSACers
Ma. Kristina Llorca
Vanessa Arquero
Jym-P Mejia
Kimberly Barrera
John Ceromines
Ma. Cristina Damagan
Divine Grace Dabban
Leah Lagunday
Jaypee Apoli
Ladylyn Gabitanan

A Close Look To Rizal High School 2

2nd part

Since buhay seniors na kaagad ang pinag-uusapan natin, nais ko munang magbalik-tanaw sa aking mga karanasan sa school na ito at pati na rin ang iba pa sa mga buildings dito.

Rizal High School Entrance

Okay, halos apat na taon nang nakakalipas mula noong una kong mabasa ang mga nakasulat sa batong ito. Welcome to Rizal High School. Mabuhay!

Halos apat na taon na nga. Hanggang ngayon, mabuhay pa rin.

Rizal High School Museum

Ito ang pinakapangunahing building sa school na ito at pangalawa sa pinakabago. Maraming mahahalagang pangyayari ang idinaraos dito at dito rin matatagpuan ang ilan sa mga trophies, RHS periodicals, historical books ng RHS atbp. Naririto rin ang Clinic, RHS Alumni, at ang Prefect of the Discipline.

Halos ganito ang kaganapan sa school tuwing lunes ng umaga para sa Flag Raising Ceremony, ang tanging kaibahan lang, para ito sa isang GSP event. Matagal-tagal na rin, hindi ko na alam kung may pinagbago na ang takbo ng Flag Raising na ito o wala. Madalas narito ang choir para kumanta ng “Lupang Hinirang” habang itinataas ang bandila, at “Rizal High School Hymn”. Kasama rin sa Cermony ang “Panatang Makabayan”, “Mission and Vision of Rizal High School”, ang isang inspirational speech mula sa principal, na kasalukuyang si Dr. Josephine Cruz at marami pang iba.

Hindi ko na masyadong maalala ang mga ginagawa sa Flag Raising Ceremony, palagi na kasi akong late. Pagdating ko sa school, tapos na ang ceremony, diretso na sa room.

A Close Look To Rizal High School (and a small part of the story built within its walls)

1st part

Isang buwan, humigit-kumulang isang buwan. Nalalapit na rin ang graduation. Ngunit bago magwakas ang lahat, nais ko munang magpakasaya sa bawat araw na natitira.

Para maalala ang lahat, nais ko munang isulat ang mga pangyayari sa halos apat na taong pananatili ko sa isa sa mga pinakatanyag na mataas na paaralan sa buong mundo, ang Rizal High School.

Ang Rizal High School

S.C.E. Science 3rd Floor Building Corridor

Ito ang mismong view tuwing umaga sa corridor na ito, kapag hindi pa sumisikat ang araw.

Sa ngayon, ito ang madalas naming nakikita sa araw-araw. Bakit? Dahil dito kami ngayon nanatili sa loob ng sampung buwan, sa unang room sa 3rd floor, needless to say, the most decorative classroom sa buong Rizal High.

Oval

Sa bilog na ito sa isang sulok ng walang sulok na oval kami nagpapalipas ng oras. Palaging nakatipon ang bag namin sa gitna habang ang iba sa amin ay nakaupo sa tabi ng mga bag. Ang ilan, umuupo sa damuhan. Samantalang ang iba, nagliliwaliw sa paligid ng buong oval. Nagtatawanan, o kaya nama’y may siryosong pinag-uusapan. Palagi na lang ganoon.

Noon iyon.

Madalang na lang kami manatili dito at ngayon, hindi na ako umaasa, nasasanay na ako. Nanatili pa rin kami sa oval ngunit madalas sa bench sa tabi ng volleyball court. And speaking of which, madalas din kaming mag-volleyball. Kung pwede nga, huwag na kami umuwi.

Still, noon lang iyon.

Hindi pa kami umuuwi hangga’t wala pa ang mga dakilang guards. Oo, dakila. Dahil mula noong third year hanggang sa ngayon, ganoon na lang ang lagi nilang ginagawa, pinapaalis ang mga nananatili pa sa school ng higit pa sa ikaanim ng hapon, at kami ang mga dakilang estudyanteng iyon.